  Պուտին․ Տարածաշրջանում սահմանների բացմամբ և կոմունիկացիաների ապաշրջափակմամբ եռակողմ աշխ.խումբ կզբաղվի 11 հունվարի 2021 - 15:41 AMT PanARMENIAN.Net - Մոսկվայում մեկնարկել է ՌԴ, ՀՀ և Ադրբեջանի ղեկավարներ Վլադիմիր Պուտինի, Նիկոլ Փաշինյանի և Իլհամ Ալիևի եռակողմ հանդիպումը։ Դրա սկզբում ՌԴ նախագահը հայտարարել է, որ շնորհակալ է ՀՀ և Ադրբեջանի ղեկավարներին Մոսկվա այցելելու համար և որ ՌԴ-ն գնահատում է գործընկերային և բարիդրացիական հարաբերությունները Երևանի և Բաքվի հետ։ Նա նշել է, որ Լեռնային Ղարաբաղում հրադադարի մասին հայտարարությունը հետևողականորեն կյանքի է կոչվում։ Պուտինը կարծիք է հայտնել, որ նախադրյալներ են ստեղծվել ղարաբաղյան հակամարտության համապարփակ կարգավորման համար։ Այժմ Արցախում տիրող իրավիճակը նա որպես հանգիստ է գնահատել։ Անդրադառնալով Փաշինյանի և Ալիևի հետ հանդիպմանը՝ ՌԴ նախագահը նշել է, որ հարկավոր է նախանշել ԼՂ-ում կարգավորման հաջորդ քայլերը, այդ թվում՝ խաղաղապահներին, սահմանների սահմանազատմանն առնչվող հարցերը։ Պուտինը հավելել է նաև, որ Լեռնային Ղարաբաղում վերականգնման, սահմանների բացման և կոմունիկացիաների ապաշրջափակման հարցերով կզբաղվի աշխատանքային խումբը, որը կեղակավարեն ՌԴ, ՀՀ և Ադրբեջանի փոխվարչապետերը։ ՌԴ նախագահը նշել է նաև՝ ԼՂ մասով համաձայնագիրը հետևողականորեն կյանքի է կոչվում: Պուտինը հավելել է նաև, որ Ռուսաստանը Լեռնային Ղարաբաղում իր գործողություններում հետևել է ԵԱՀԿ Մինսկի խմբի սկզբունքներին։   Ուշագրավ Ընդգծվել է ուժի կիրառման անընդունելիությունը և կոչ է արվել ձեռնպահ մնալ ռազմատենչ հռետորաբանությունից «Մեզ ասում էին, թե մեր խոսքերը չափազանց կտրուկ են, որ դա չի մոտեցնում խաղաղությունը»,–բողոքել է նա Հաջիզադեն ասել է, թե հայտարարությունը «զարմանք է առաջացնում», և մեղադրանքներ հնչեցրել Հայաստանի հասցեին Նա հավելել է, որ Թուրքիան աջակցում է Ադրբեջանի և ՀՀ միջև խաղաղության գործընթացին   Ամենաընթերցվողը բաժնում |  Վերջին լուրեր Պուտինն ընդլայնել է առանց վիզայի ռեժիմը Վրաստանի քաղաքացիների համար  Որոշումն ուժի մեջ է մտնում հրապարակման պահից՝ հոկտեմբերի 10–իցՄԻՊ–ը պարզաբանումներ կպահանջի իրավասու մարմիններից Ջոն Կիրակոսյանի անվան դպրոցում կատարվածի մասով ԿԳՄՍՆ-ն մտահոգիչ է համարում երեխաների ներկայությամբ տեղի ունեցած հատուկ գործողության վերաբերյալ ահազանգերըԲադասյանը` ՀՀ–ում կոկաինի հայտնվելու մասին. Բոլոր բեռները ստուգել անհնար է Նա խորհուրդ է տվել համացանցում որոնման համակարգի միջոցով պարզել, թե տարեկան քանի տոննա թմրանյութ է մտնում ԵՄԶբոսաշրջության ոլորտում կստեղծվի հավասար մրցակցային դաշտ՝ հյուրանոցային որակյալ ծառայությունների համար Շատերը միջին և միջինից ցածր են գնահատել կացության ծառայությունների հետ կապված հարցադրումները |
